【坐擁逾 200 億美元資產 超級富豪熱衷買樓嗎？】

我們正處於歷史上富豪最多的時代。超高淨值人士（資產淨值超過10億美元）的人數與總財富雙雙創下歷史新高。不過，在這些富豪中，能晉身「千億俱樂部」的12位數富翁仍屬鳳毛麟角。

對這些頂尖富豪而言，花錢從來不是難事。私人飛機、豪華遊艇、高級座駕只是基本配備；若要展現真正的財力，那就得看他們在房地產上的投資。

據統計，美國僅15位億萬富豪名下的房產總值就已超過20億美元，這還不包括他們所擁有的大量土地與農地。

🔹馬斯克：全球首富 反而無樓住？

特斯拉行政總裁伊隆・馬斯克（Elon Musk）目前資產估計高達3,430億美元，係史上首位突破4,000億美元資產嘅地球人，亦係現任全球首富。但佢竟然係「無樓族」。

早於2020年，馬斯克宣布賣晒自己所有房產，表示要「簡化生活」。目前，佢唯一確認長住嘅地方係德薩斯州一間三房牧場風格嘅獨立屋，價值只係約五萬美元，物業登記喺SpaceX公司名下，由佢租住。

🔹貝索斯：買樓好似集郵 全美都有樓

亞馬遜創辦人貝索斯（Jeff Bezos）淨資產約2,630億美元，雖然比馬斯克少幾百億，但佢喺房地產投資方面就強得多。由西雅圖到佛羅里達，再到夏威夷，貝索斯打造咗一個「無死角」嘅地產王國。

當中最矚目嘅係佛州邁阿密印第安溪島（Indian Creek Island），呢個又被稱為「億萬富豪堡壘」嘅小島上有34間豪宅，貝索斯一個人就買咗3間，總值超過2.37億美元。島上仲有專屬警察部隊，確保居民安全無憂。

🔹艾利森：買咗成個島 自封「島主」

甲骨文（Oracle）聯合創辦人拉里・艾利森（Larry Ellison）現年80歲，資產約2,370億美元，喺房地產投資方面手筆驚人。

佢唔止擁有美國多幢豪宅，仲曾斥資3億美元買入夏威夷第六大島——拉奈島（Lanai）98%土地，幾乎成個島都屬於佢，堪稱「現代島主」。

🔹朱克伯格：注重私隱 嘅低調地產大亨

Meta行政總裁馬克・朱克伯格（Mark Zuckerberg）資產約2,200億美元，佢嘅房產投資未必話極盡奢華，但就相當重視私隱同家庭生活。

喺三藩市灣區，朱克伯格一口氣買下自住物業周邊四間鄰屋，避免鄰居打擾。而佢亦喺夏威夷考艾島（Kauai）購入約1,400英畝土地，打算興建一個可避風雨嘅私人避世基地。

🔹畢非德：價值投資之神 寧買股票過買樓

「股神」畢非德（Warren Buffett）資產約1,540億美元，以長線價值投資見稱，向來主張投資自己理解嘅業務，因此相對較少涉足房地產。

對佢嚟講，現金流遠比不動產更有價值。

🔹比爾・蓋茨：科技界豪宅收藏家

微軟創辦人比爾・蓋茨（Bill Gates）資產約1,060億美元，名下擁有多項高端物業。最出名嘅係位於華盛頓州梅地納（Medina）嘅豪宅「Xanadu 2.0」，被稱為「未來科技莊園」。

此外，蓋茨近年更成為美國其中一位最大農地持有人，持有超過27.5萬英畝土地，當中約25萬英畝為優質農地。

🔹彭博：多國置業 房產價值驚人

前紐約市市長彭博（Michael Bloomberg）資產約1,020億美元，名下房產遍佈全球。包括紐約曼哈頓多個高端單位、紐約州農場、科羅拉多州滑雪度假屋、英國倫敦18世紀莊園同百慕大海景別墅等。

據《Business Insider》2020年統計，彭博當時房產總值約1億美元，如今價值只會有增無減。