【加拿大 vs 香港   10個生活大不同！】

去到一個新國家生活，有時候真係覺得自己好似一個傻仔。如果你喺新家園無人無物，無親友投靠，靠自己去適應新生活實在好難。喺香港你會知道文具店、超市邊度有，去一個地方會知道搭咩車去。一切你覺得以為係基本常識嘅嘢，去到新嘅地方居住就要由零開始，從頭學過。

 

如果你對加拿大全無概念，以下我分享嘅 10 個香港同加拿大生活上嘅分別或者會幫到你。雖然細微到無人會特登講你知，但其實又幾重要。

 

1. 打印紙 size

香港人用開A4紙，原來美加地區係用 Letter size paper，Letter size 紙比 A4 紙短啲又闊啲。好記得我喺多倫多返第一份工，老細叫我訂打印用紙，我搵咗一輪A4紙後先發現原來加拿大係用 letter size 紙 – 所以大家唔好好似我咁笨啦！

 

2. 緊急求助熱線

好多國家都緊急求救都係打 999，但美加地區就用 911 去報警同請求消防員或救護員到場。另外同香港唔同嘅係，喺安省叫救護車同消防車都要收費。

 

3. 時區

簡單黎講，香港比多倫多快12（多倫多夏令時間實施時) 或 13 個鐘（多倫多冬令時間實施時）。每當去到三月嘅第二個星期日同十一月嘅第一個星期日就要將時間撥快/撥慢一個鐘。大家唔駛怕唔記得，因為新聞同公司通常都會提醒大家教鐘，而且手機電腦會自動更新。其他省嘅時間我就唔喺呢度講啦。

 

4. 官方語言

香港用兩文三語（粵語、英語、普通話），加拿大就以英語同法語作官方語言。雖然係咁，喺多倫多生活嘅人基本上都係講英文，而喺魁北克省就以法語溝通為主。

 

5. 前進方向

如果你喺香港有揸開車，你就要適應一下加拿大嘅行車方向，加拿大嘅前進方向為右邊，而香港就係左邊。

 

6. 軚盤位置

另一點要留意嘅係，加拿大嘅車係左軚，香港嘅車係右軚。

 

7. 車費支付卡

香港嘅八達通除咗可以俾車費，仲可以用嚟俾錢、繳費，但多倫多用嘅Presto就暫時淨係可以用嚟俾地鐵、火車同巴士車費啦。另外，香港嘅八達通設退卡服務，Presto係要買嘅，盛惠$6加幣一張。

 

8. 電子轉帳方式

香港用嘅 FPS丶 PayMe 可以即時跨行轉帳，加拿大嘅 e-Transfer 亦一樣做到呢個功能嫁。

 

9. 消費稅

香港現時仲未開徵消售稅，但喺加拿大，每個省份都需要俾消費稅 (GST/HST)。喺安省嘅稅率就係 13%，即係你喺時裝店買件 $100 加幣嘅衫，你要另外俾 13% 稅俾政府，所以埋單果陣你要俾 $113 加幣。只有少量產品係唔駛打稅，例如新鮮食材（魚類、肉類、蛋、奶製品、蔬果等）、處方藥物、醫療用品、女性用品。

 

10. 身份證明文件

除咗護照，香港永久性居民身份證就係香港人嘅身份證明文件。身份證上只有簽發日期，無過期日。但加拿大就一般以車牌做身份證明文件，有過期日，所以要續領。如果無車牌，你可以出示護照，或者申請 Ontario Photo Card。

希望少少嘅資料幫到大家。覺得實用嘅話就俾個like同share俾有興趣嘅朋友啦！

 

• 最新資訊

加拿大於今年六月公佈的救生艇計劃的詳情

A 組 （Stream A）讀書移民

申請人必需在過去三年內，從當地的認可的大學或專上學院完成兩年制或以上文憑、學士、碩士或博士課程，或是一年制或以上研究生文憑課程（報讀資格須持有學士或文憑資歷，並在課程開始前五年取得），並成功畢業，而最少50%的授課時間需要在加拿大，包括親身或境內網上授課。

 

B組 （Stream B）工作移民

申請人必需在過去三年內，在加拿大全職工作最少一年，或透過兼職獲得相當於一年的工作經驗，惟全職學生的兼職或自僱人士不在計算之列。他們需在申請前的五年內曾在加拿大認可的專上教育機構畢業或取得外國相等的學歷資格。

 

🔻🔻🔻🔻🔻🔻🔻🔻🔻🔻

立即預約「救生艇」免費諮詢：

bit.ly/GI_freeconsultation

• 想了解更多，請即聯絡環傲移民的專業移民顧問
  • WhatsApp：6888 4742 (https://bit.ly/GI_hello)
  • 電話：2566 5066
  • 網站：http://bit.ly/GI_2pathways

[/vc_column][/vc_row]